Сыйлы жігіт болудың 8 шартты

Beu.kz – сайтына ағылшын тілінен аударылып жарияланған мақаланың аты  осылай екен. Құпия бір амалдары бар ма екен деп қарасам, көбі Конфуцийдің жасынан да үлкен айта-айта жауыр болған көрегөз шындықтар санатынан екен. Дегенмен, мақала оған қарамастан жеңіл, және расында да сапалы. Саған бұл мақала маған әсер еткендей әсер етсе, тек қуанар едім.

Мақала толығымен мына жерде!

Беу, жігіттер!

Ия, соңғы кездері блогшылауды сиретуімнің себебі, толып жатқан ермектеріме жаңа ермек қосылғаны. Жігіттердің заманауи әлемде өмір сүру барысында соқтығатын қоғамдық, әлеуметтік, және жалпы жеке сұрақтарының барлығына жауап бермесе де, ерлердің сырласатын, мазалаған сұрақтарын өзге лақап атпен кіріп ұялмай талқылайтын жолсерігі болатындай бейресми сайт ашу менің ғана ойымда болған жоқ. Талай жерде айтылып, жобасы талқыланып, ойымыз сөз күйінде қалып жатты. Сондықтан идея авторы өздерің танитын жігіттердің ұжымдасқан коллективі. Біреу бастады, екіншісі қоштады, сөйтіп екі ай бұрын жас Беу.КЗ – қазақ тілінде сөйлеген бейресми сайттар қатарына қосылды.

Білгішбекке қалыңдық болсаң…

Бір-біріне ғашық жұп көше бойын кезіп, серуендеп келеді. Жігіт білімді, жан-жақты жоғары талғамды, оқығаны көп болатын. Қыз нәзік жанды, оқымысты болмаса да,  мінезі жайдары, өзі әсершіл.

Қыз: Мына үй сондай әдемі!
Жігіт: Қай жері әдемі? Төбесі шодырайған, жаны одырайған…

—  Қойшы тіптен, әп әдемі-ақ қой!

—Мына үйді “әдемі” деп айту үшін адамда қандай азғындалған талғам болу керек? Есігін қарамайсың ба?

— Жарайды, келістік бұл жаман үй. Ал менде қазақша КВН-ге билеттер бар!

—Қазақта қайбір КВН бар дейсің, жалпақ әзілді номерлерін тықпалай береді. Одан да кинотеатрға барайық, сен  “Алиса Ғажапстанда” киносын көрдің  бе?

— Жоқ , көрмедім. Бірақ мен қазақша КВН-ді со-о-ондай күтіп едім:(

—Қойш, мәмбеттер сияқты соған барып, күлкілі емес түк те!

—Онда Орда тобы келед, сол жігіттер күшті билейді!

—Қхм, негізі бидің патшасы Майкл Джексон саналады.  Қалғандары соған еліктеген қыртымбайлар…

— Шынында да солай екен-ау. Ақылдым сол, маған ана балмұздақты алып берші!

— Жоқ-жоқ, ол балмұздақтың құрамында 0,0001пайыз канцероген бар, зиянды эмульгаторлар, тстендргш, дмдеуштер бар,  сонымен қатар одан адам семіріп кетеді.. Сен оны жеп салқындаймын деп ойласың, бірақ нәтижесінде керісінше болады. Өйткені,  сенің  ішіңе барған балмұздақты еріту үшін, сенің ағзаң қосымша жылу бөлуге тура келеді, сөйтіп кейін одан бетер ыстықтап кетуің мүмкін. Ең  дұрысы, күн ыстықта диеталық сода ішу керек…

Қыз: 

Қозы мен Баянның хикаясы (жалғасы): Қодар мен Горлум

(Жалғасы. Басы алдыңғы жазбада)

Қодар мен Горлум-1

Қасында тұрып-ақ ҚозыКөрпеш мұжықтардың Баянға ашкөздене қарап тұрғанын байқады. Барлығы оның әрі кеткенін күтіп тұрғандай, барлығы ішінен қап “мына жігіттің бетін қайтарса екен” деп ойлап тұрғандай болды.

Қозы оны сезіп тұрса да,  үнемі Баянның қасынан қалмай, артынан ерген аш күшіктей жүгіргісі келмеді. Баян дәретханаға кіргенде, сыртында күтіп тұрмай, Қозы тоқтамастан жолдастарына кете барды. “Әрі” кететін кез келді.

Достарына оралған Қозы, барлығын би алаңына шығарып, өзі назарын уақытша басқа қыздарға бұрды. Бұл Баян сұлудың өсіп бара жатқан маңызын бәсеңсіту үшін жасалған қадам еді.

Бір қараса, Баян да басқа бір жігітпен билеп тұр екен. Қодардың өзі болса керек.

Танысу тағылымы – 1

Танысқыш Рустамның басынан өткен бұл оқиғаны танысудың бір әдісі ретінде қарастыруға болады.

Автобустың артқы жағында көріп қалдым бұл сұлуды,  шетелдің еліту шеберлерінің он балдық жүйесімен сырт ажарына жеті бал беруге болар еді. Жақындайын десем алыстау. Көзбен атысып тұрдым бірер секунд. Бақсам, өзін-өзі жақсы күтетін, тартымды киінген сымбатты тән иесі.

Аялдамада бірге түсіп, артынан қуып жеттім де  «Бойжеткен, мені наққа жіберіңізші!” – дедім.

14 қыздан қашық бол!

Бақытты болу сенің де

Аялаған арманың,

Мәшине, зәулім үйің не?

Басқаша болса талғамың…

Бола бер мейлі қас батыр,

Жыға бер мейлің талайды,

Сені де бір күн әйелдің

«Кіршіксіз» қолы қармайды,

Тағдырлық іске шараң не,

Жетекке еріп кетесің,

Түсіңе кірмес әйелмен,

Өңіңде өмір сүресің…

Басыңа бақ боп қонатын

Жалғыз ғана қызың бар.

Маңдайдың соры болатын,

Он төрт басқа құрбың бар:

Пикап-тренинг адамды өзгерте ме?

Өзің армандаған қызды қарату жолында өзге тілде үйрететін қарайған материалдар мен интернет -ресурстар бар.  Олардың әр қайсысының ерекше тәсілдері мен әдістемелік нұсқаулықтары бар. (Суретте, көшедегі қыздарға беттерін сүйгізіп,  понт лақтырған бастауыш пикаперлер)

Сөйте тұра, Пикап -тренерлер (ағылшынша pick-up – теріп алу, іліп кету)  психологиялық жағына да немқұрайды қарамайды.  Олардың көбісі асқан сұлу, не бай емес, дегенмен жеке өмірінде өздерін бақытты санайд. Олар білетін әлдене бар сияқты. Өмірдің өзі аңға шығу ма бірдеңе боп кеткендей. Қыздардың басын шырмаған жігіттер, жігіттің басын шырмайтын қыздар…Бүгін сені ол, ертең сен басқаны…

Кірпіштің екіншісі

(жалғасы. басы мына жерде)

– Ақымақ! Бірінші кезеңде-ақ “картоп жарыпсың” ғой! Қателерің оннан асады! – Лёха, менің күнімнің жартысы қалай өткені жайлы әңгімемді тыңдап болып, біртүрлі толқып, мазасызданғандай көрінді. – Ия, қиын жағдай!
- Лидашқа телефон соғуға сол күйі бата алмадым. Дегенмен Ташкеннен туыстарым салып жіберген түйе-жүн көрпенің астында ыстық лимонды шайдан соң ұйқыға кетіп бара жатып, тезірек оянып, оған телефон соғуды армандадым. Оянсам,

Кірпіштер 1.4 – Алғашқы кірпіш

(Жалғасы. Басы мұнда)

Әрі вахтеріміз, әрі күзетшіміз Жора мені көріп мәз-мәйрам. Өзімнің дәл сол сәттегі түрімді елестетіп, қандай әсер тудыратынымды шамаладым: дымқыл шашым алба-жұлба, сұрқсыз көзілдірік, лас киім, батпақ жұғып, добалдай көрінген туфли.

Сұлу қыздардың снаряды

Сұлу қыздардың дайын снарядтары болушы еді, сондай тиісушілерге алдын ала дайындап қойған адам бетін бірден қайтаратын қысқа-әрі нұсқа шаблондары болушы ед.

Оны шетелдік плэйбойлар  “Bicth shield” деп атайды. Яғни “Көкбет қалқаны”. Әдемі қыздар,ішінен қанша сыпайы болса да, осындай шақырылмаған танысқыштарға “Көкбет қалқанын” тосады.

Танысқыш тапқыр болса, ол “қалқанды” күшпен емес, табылған әзілмен, не әдептілікпен (кейде әдепсіздікпен) бұзады.

Ең бастысы, қызды біртүрлі күйге ендіру. Қызды күлдіруге, ұялтуға, сөгуге, болады, бірақ қорқытуға, ренжітуге, жылатуға, ызаландыруға болмайды.

Әдетте реакциясын қыздың сөзіне мән беріп емес, қыздың бет-әлпет іс қимылына қарап пішуге болады.

---

Қыздардың сылтаулары: “Телефоным жоқ!”

Кейбір қыздар телефон сұрағанда түрлі сылтау айтуы мүмкін.

Солардың бірі: “Телефоным жоқ!”

Әрине дұрысы, қыздың сылтау айтуға еш құлқы болмағанын қамтамасыз ету. БІрақ ақыры айтты екен, сүмірейіп кете берме.

Үстінде майкі, бұтында шорты

Менің  жақын досым, жаттығу залынан шығып, атвобусқа отырғанда бір сүйкімді қызды көріп қалыпты.
Жақындайын десе, үстінде майкі, бұтында шорты (асығыс киімін ауыстырмаған болатын), аяғында ескірген кеды…қолында рюкзак. Шашы душтан шыққан соң, ұйпа тұйпа..

Сонда да **қызық болсын, мынадай түріммен әлі ешкімге жақындап көген жоқпын**- деген оймен, әлгі қызға орысшалап,
*Бойжеткен кешіріңіз, менің мына түрім сіздің бір сағаттық айнаның алдындағы еңбегіңізбен салыстырғанда мазақ сияқты көрінеді, бірақ мен сізбен басқа жерде, басқа уақытта, жақынырақ танысқым келеді, телефоныңызды жазып алуға рұқсат етіңізші! – депті.

Жауабын өзіңіз топшылаңыз:)

Ерлер неге кеш есейеді? (Әкелерге арналады)

Ер жеткен деген қалай?? Ер жеткен ерлер өздерін қалай ұстау керек?

(Суреттер төмендегі сайттардан алынды: vesti.kz, www.veer.com, www.fotosa.ru
Cонымен қатар www.pics.kz сайтына ерекше алғыс білдіремін.)

Жуырда “өзіңізді ересек еркек сезінесіз бе?” деген сұраққа 7 пайыз “ия, сезінем” депті, 33-пайыз “көбіне солай” депті, 40 пайызы ” уақыттың басым бөлігінде олай сезінбеймін” депті, қалған 20 пайызы ” ересек еркек болып сезіну қиынға түсетінін мойындапты. Неге олай?
Неге ерлер өздеріне бақытты, өздеріне сенімді болып ер жетпейді? Жауабы қарапайым.

Западло! Жігітке ерсі қылықтар

Бұл мақала алғаш ерлерге арналған “Максим” журналының 2005 жылғы нөмірінен алынып өңделген. Жалпы еркекке ерсі қылықтар жиынтығы десе де болады:

1. Қызбен жата кету үшін “үйленем” – деп уәде беру западло.

2. Досыңмен қызға таласу, қалыңдығына/әйеліне көз салу западло.

3. Досыңмен бір қолшатырдың астына тығылу западло. Қыз болса бір жөн, ал ер болса, үйткенше екеуің де малмандай су болғаның дұрыс.

4. Карандаш түрси (Стринги мақымындағы ішкиім) кию западло. Мода қуған жақсы ғой, бірақ көтпен мақтануды наққа жібереміз…Еркектің басты қаруы : Білім мен білектің күші!

Нағыз еркек ол қандай? (Әйел көзімен)

Нағыз Еркек әрі мырза, әрі құл

Әрбір әйел қасында нағыз ердің болғанын армандайды. Іс жүзінде, әлемде көптеген әртүрлі еркектер мен әйелдер бар және олардың бәрі супержігіт не суперәйелдер емес.

Әлемде кемшіліксіз ешкім болмағанымен, «нағыз еркек» ұғымы бар. Оны әркім әрқалай түсінгенімен, әйелдердің басым бөлігі келісетін жерлері бар. Осыны оқып, өз пікірлеріңізді білдірсеңдер. Мен үшін бұлардың бәрі жаңалық емес, бірақ жақсы ой -түрткі болды