Кішіпейілдік жағымпаздықтың белгісі ме?

сурет: http://ashimin.ru

Нарықтық заманда, әлденені біреуге ақша беріп жасатып, адамдарға потребляттық көзқарас қалыптастырып алған жоқпыз ба осы? Біреуге өтініш айтып отырып, ол құдды маған қарыз сияқты, дікеңдеп “Менің пәленшемді келіп жөндеп бер” деп айтуға қанша жерден дөрекі болсам да,  тәрбием жібермейді. Мүмкін оңтүстіктің лыпылдақ варианты дерсіңдер. Өзім де біреудің “әй” жоқ, “шәй” жоқ түн ішінде амандық сұрамастан қара басының шаруасын айта жөнелгенін жақтырмаймын.  Тіпті басынан сөз асырмайтын, намысқой жапон халқының өзі де қонаққа иіліп, кішіпейілдігін көрсетеді емес пе? Жапондардың бұл тірлігі батыс әлемі үшін таңсық, экзотика іспеттес болса да, өздері үшін қанына сіңген мәдениет.

Тұмар қалай көмектеседі?!

Бойтұмардың (Талисман, амулет, апотропей, оберег) қай дін, сенім-наным болмасын, бәле жәледен, сәтсіздіктен, көз бен тілден сақтайтын, қуат беретін күші бар деп сенеміз. Алайда, шын мәнінде бір қағаз, біртүйір мал сиіп тастаған топырақ, не тасбақаның боғы ешқандай күшке ие емес.

Балуан Шолақ 816 кг-ды көтерді дегенге сенесіз бе?

Бұл күнде 35-те менің жасым,
Қамалдың бұзар кезім тау мен тасын.
Кешегі сентябрьдің базарында
Көтердім елу бір пұт кірдің тасын.
Жиылып орыс-қазақ таң қалысты,
Болды деп Қаһарманнан мынау басым.
Залог сап жетпіс бес сом күрескенде,
Сындырдым Карон балуан қабырғасын…

Депті палуанның өзі, бірақ

Блогың танымал болсын десең немесе СЕО-ның да шегі бар

Рейтинг жинаудың төмендегіден бөлек түрлі әдісі бар. Бірақ рейтинг сыйлы болуды білдірмейтіні жаман да.
Кейбіреулер рейтинг үшін «Джеки Чанды қаза таптырып» жіберуден тайынбайды, ал кейбіреулерінің қолынан ол да келмейді. Сол кезде көмекке не келеді?

Наурыз көженің құрамы; Қала мен дала

Sheshesse (c) Қисық

Қала:

— Зоя, блин я даже незнаю как это делается, а соль за ингредиент считается?
— Ғоспади, посмотри в интернете, там точно рецепт должен быть!
— Вот дура я, че-то не подумала даже.

Четвергандрей фон-Марковик : “Ақтөс” феномені

(Болмаған оқиға желісімен)

Жексенбі күні. Ескі мәдениет үйінің залында ине шаншар орын жоқ. Кент әкімі Антуан Шәріп кенттегі барлық мекемелердің бастықтарына бүгін өткізілетін ашық кездесуге түр-түс, ұлт-дініне қарамай белсенді азаматтарды осында жинап әкелуді тапсырған болатын.

Ресми жиналыстан шаршаған халыққа бұл іс-шараның алдағы ешбір сайлауға, партия саясатына қатысы жоқ, ешқандай үгіт-насихат акциясы емес екендігін жеткізуді бұйырды.

Советтік балғын шақтан қалған комплекстер…

Мен сабақты 6 сыныпқа дейін орташа оқыдым. Қазақтар бас ал десе шаш алады. Баяғы Сәбет Өкіметі орыстардың билігінде болса да, қазақтар орыстардан бетер асырып тұрып бағынатын соның ережелеріне.
Орыс мектебінде ең басты назар білімге бөлініп жатқанда, бізде ең басты назар балаларды «авторитарлы Сталиндік режиммен басып» ұстауға бағытталған болатын.
Бәрімізді үшінші сыныпқа дейін тақырбас қып қоятын. Әкем хат жазып, «баламның басындағы биттерге дәрігер ретінде өзім жауап берем» — деп индивидуалдығыма сәл де болса үлес қосты.  Бесінші сыныпқа дейін шеренгамен шагайттап, жақсы оқитындарды алдына отырғызып, үшке оқитындарды кемсітіп, қатты алалайтын.

Асқар Жұмаділдаев

Асқар Жұмаділдаевтің бір сұхбатының жарияланған датасын көріп, көзіме жас келді. Әкемнің қайтқан күні жарияланған екен. Әкем атымды қолжетімсіз биіктерге ұмтылсын деп, қойса керек.
Асқар аға, өзіңіздің есіміңізді арқалап жүргенімді ырым тұтамын. Менің ғана емес ау, талай көпшілікте пікір айтамын деп “жексұрын” болған қазақтың ойындағысын сіз айтыпсыз. Жерлесіңізбін, бас көшелеріміздегі жымиыңқы суреттеріңіз жүрек жылытады, сенімділік оятады.

Сіз сол сұхбатыңызда қазақтың дамуына, қазақтың әлемде мойындалуына кедергі болар қасиеттерді жақсы суреттедіңіз.

Оппозиция және профессионализм жайлы

Төмендегінің барлығы автордың жеке өз пікірі. Ұйқыдан тұра сала жазылғандықтан, сандыраққа ұқсауы да мүмкін.

Қазақ тілді тілшілер арасында көбіне мәңгі тақырыптарды қозғайтындары басым. Әсіресе парақтық басылымдарда нақты ақпараттан көрі, мыжыма демагогияға берілгіш. Оппозициялық газеттер тіпті қаралаудан басқаны білмейді. Көбінің шешкен мәселесінен бұрын, тудырған кикілжіңі мен араздығы көп сияқты көрінеді.

Әткеншекті қай жағынан итерсең де шайқалады немесе кейбір боққа тұрғысыз мәселелердің қоғамда резонанс тудыруы

Нақты білмеймін қазір қанша,

Пайызы санасыздардың,

Бірақ құлақ пен көзге сенсек,

Көп екен ғой бұларың… (Виктор Цой)

 

Бұл мәселенің, тіпті атын атауға жиіркеніп отырмын. Қалай болғанда да ол дүниені “қазаққа тән емес!” деп даттаушылар да,” қазақтың төл дүниесі” деп жақтаушылар да қалай адасқандарын білмейді. Бәлкім басқа ұлт алдында әлемге мардымды ешнәрсе алып келмеді деп қынжылғанынан кез келген қазақи бренд дегенге қуанатын адамдардың мұқтаждығы шығар, бәлкім халық қабағын түйіп, қасқайып жүруден шаршаған шығар, бірақ осы дүниені құп көретіндер көп. Құп көрмейтіндер де аз емес.

Еліктегіш елміз деп кім айтты?

Қай қазақтың аузында да: Қазақтар еліктегіш, қазақтар көргенін істейді, қазақтар көшіруден шебер! —деп мыңқ-мыңқ етіп, қолды бір сілтеген жалқау сын бар екені өтірік емес.

Ау, еліктеу деген шыр етіп жерге түскен кез келген баланың  бүкіл өмірі ғой. Адамзат еліктеу және көшірмені жетілдіру арқылы жаңа дәуірге аяқ басып отырған емес пе? Кеше ғана өз алдына ел болған қазақтар осы орайда кішкентай сәбиден несі артық?

Бірақ, қарап отырсам, керісінше біздікілер “еліктегіш”, “көшіргіш дегеннен гөрі”, “көшіруді қатыра алмайды” деген дұрыс болар. Көшіруді АҚШ, Ресей, Жапон елдері қатырады бір бірінен. Сосын Қытай елі мықты көшіре біледі. Ал мына елдің көшірмесі көбіне шала шығады.
Көшіру – деген жаман құбылыс емес шеберлікпен жасалса, бұқара халықтың қолдауына ие болса. Көшіру арқылы, тәжірибе бөлісу, еліктеу арқылы бала жетіледі, ел жетіледі, адамзат өркениеті дамиды. Глобализацияның қозғаушы күші көшіру.

Көшірсек те түпнұсқасынан кем көшірмейік. Мәселе сонда ғой. “Аянышты көшірме” болғанша, “жетілдірілген қазақша нұсқасы” болған керемет емес пе?

“Неге ұрсасың, насяйника!?”

Бірі өз жұмысын әрең алып жүрген енжар, сорлы бастық болса, ендігісі белсенді, барлық салада үлгеруге тырысады, ал үшіншісі жұмыста да, далада да, тойда да “Мәке-Сәке” боп кербезденгісі келеді. Шіркін, бастықтарды өзің таңдай алатын болсаң ғой дейсің… “Бастық өзіңнен өзге біреу болса, оңушы ма еді?!” дейсің . Бірақ, кідіре тұрыңыз…

Сізге бастығым жайлы шағымданып, жылайын деп отыр екен демеңіз. Керісінше, бірге қызмет істеуде жолым болған бір кісі туралы және басымнан өткен біртүрлі жайлармен бөліспекпін.

Майкпен әріптестігіміз 2006-жылы Қазақстанның батыс өңірінің бірінде  басталған болатын.  Ол кезде мен жап-жасыл, бозбала  аудармашы, ал ол тіс қаққан мұнай ұңғысының маманы болатын. Қайсысымыз гастарбайтер екені түсініксіз еді.

Әулие-қошқар Еламан, болсаңшы маған талисман!

Астапыралла!!! Еламан атты қошқардың табиғаттан тыс күші бар деген ақпаратты оқыған боларсыз?  Біреулер оны мұсылман тіліне салсаң, үлкен күнә, харам, ал эмпириокритицист үшін бұл, о масқара ХХI – ғасырда  ескіден қалған, үрейге негізделген жабайылықтың көрінісі деді. Мүмкін… Кашпировский дедік, Чумак дедік, Сары әулие, Ақ әулие, Қошқар әулие, өлім әулие деді,  бірақ мен Еламан қошқарға сенем…

Неге сенбеске? Қошқарда еш бір пайда табыс туралы ой жоқ,  бір ма? Қошқарда саяси мүдде жоқ —екі ма? Қошқар сенің өзіңді қошқар қылып, қажет кезінде қылтаның кетер демей қылқ еткізіп жұта алмайды “ҮШ” де! Ал егер шынымен алдаған боп шықса да, қашып кетіп, көкесінің қойнында, немесе басқа мемлекетте тығылып жатпайды -ТӨРТ!!!

Сопақбастың 57-ші сандырағы: “Білім базаңыз неден тұрад?”

Сізге бір ойын ойнауды ұсынамын. Сіздің білімділік шырағыңызға түкіріп, бір сәт қиял тұңғиығына бойлап көрсек. Мұқият қараңыз енді. Айталық, уақыт саңылауларында бір кептеліс болып қалып, әлдене сізді мыңдаған жыл бұрынғы заманға апарып тастады.

Сіздің қолыңызда флэшка ғана бар, яғни пәленбай мың гигабайт өркениет дамуының жемістері туралы ақпараттар: музыка! Кітаптар! Суреттер! Бағдарламалар! Сіз бұдан былай көптің бірі, көттің кірі емес,

Жоғары Сана иесісіз!!!

Фриманомания

2009-дың аяқ жағында Freeman  (Еркін адам)- деген аноним блоггердің  бейнеқатары шыға бастады. 2010-шы жылы сәуір айында әлемдегі бейнеблогтардың ең үздігі мәртебесіне ие болған ол Рунетте және орыс тілді Қазнетте ең тез және кең тараған анимовирус ретінде танылды.  Оның  кім екенін, немен қосып жеп, тышқанда немен сүрту керек екендігін Гугл ағаларыңнан сұрарсыңдар.  Төменде ең алғашқы монологының қазақша аудармасын оқысаңыз болады: