Қазақ мәселесінің шешімі табылды!

Бірер күн бұрын, “Сорлы тақырыптар” жайлы жазған едім ғой.

Міне, көп күттірмей, бір қазақ форумында, пікір таластқа білек сыбанып кірісіп кеткен “оратор” қызу үстінде қазақ ұлтының мәселесінің шешімін бір абзацпен түгесіпті:

Халық білімін жетілдіру керек. Ақыл мен айламен ғана саясат оңды болады.
Жат журттар билікпен ақша бөлісіп, елді тонап отырғанда, халықтың сөзін ешкім тыңдамайды. Басқаларға тиімсіз болып қалады. Біз өзіміздің кеудемізді көтеріп, намысымызды қолымызға алып, айла-амал ойласытырып, жүйелі түрде жүзеге асыру керек. Оларға қол шоқпарды қолға алып соғысқаннан, бізге әкелетін пайда шамалы.

Саясатта саясаттың амалдары арқылы соғысу керек.

Әнеки! Сендер не ойлап жүрсіңдер! Мәселе қайда жатыр. Мынаны оқыса,  Көрер көз ақиқаттар Капитаны у ішіп өлетін шығар. Әсіресе  “Саясатта саясат амалдарымен соғысу керек!” – деген жері өте сәтті шыққан. Рас айтам.
Отырғанда отырғандай отыр, көйлекті кигенде көйлек кигендей көйлек ки, және форумда пікіріңді жазғанда форумда пікіріңді жазғандай форумда пікіріңді жазу керек!

---